برامج جديدة


    شوف الفرق بين بنات علمي وبنات أدبي ..

    شاطر

    زائر
    زائر

    default شوف الفرق بين بنات علمي وبنات أدبي ..

    مُساهمة من طرف زائر في الأربعاء يونيو 18, 2008 5:21 am



    الفرق بين بنات علمي وبنات أدبي..

    بنات الادبي دايما مبتسمين ومفرفشين وشاقين الفم من كثر الضحك ...
    بنات العلمي دايما مكتئبين وماعندهم وقت يضحكون بس عندهم وقت يصيحون ...

    بنات الادبي عادي عندهم يروحون المدرسة والا لا والافضل عندهم طبعا انهم مايروحون
    لان مايحتاج احد يفهمهم اللهم يحفظون الكتاب ويروحون يسمعون اللي حفظوه ...

    بنات العلمي اذا غابوا يوم عن المدرسه أو بس تأخروا يسوون سالفة مايخلون وحده ومايتصلون فيها يخلونها تشرح لهم وتفهمهم وياخذون الواجبات منها وعقبها يروحون يقعدون على راس المدرسات علشان يشرحون لهم مرة ثانية وعلشان يتأكدون انهم حصلوا كل المعلومات ومافاتتهم ولامعلومة ...

    بنات الادبي يطلعون من الامتحان وهم شاقين الفم لان ماتفرق معاهم الدرجات
    بنات العلمي يطلعون من الامتحان يصيحون وعلى طول يفتحون الكتاب ويتاكدون من اجوبتهم وياويلنا لو في جواب والا نص جواب غلط على طول الدموع تنصب والوجه يصفر...


    اذا شفت بنات دببة تأكد انهم بنات الادبي ماوراهم دروس ولا شغل الا الاكل
    و اذا شفت بنات يكسرون الخاطر عصاقيل شوي ويموتون تأكد طبعا انهم بنات العلمي المساكين دايما يذاكرون لدرجة انهم ينسون ياكلون ...

    بنات الادبي وفي حصة الاحتياط يقعدون يلعبون أو يسولفون مع المدرسة أو يعيبون عليها وطبعا طايحيلك حش فيها أو في البنات ...
    بنات العلمي في حصة الاحتياط طبعا مايفوتون أي حصة بدون دراسة تلقاهم يدرسون بنفسهم أو يروحون يدورون على مدرسة فاضية وينادونها علشان تفهمهم إذا في شي مو فاهمينه ...

    بنات الأدبي دايما تشوفوهم منحاشين من مدرساتهم وقاصين حصصهم ويتمشون في ساحة المدرسة كأنهم على الكورنيش ...
    بنات العلمي مانشوفهم في الساحة إلا وقت الفرصة ونادرا طبعا والمدرسات أهما إللي ينحاشون منهم بس لا مفر طبعا للمدرسات ...

    وقت الرحلات ما تلقى غير بنات الأدبي لأن بنات العلمي مو مستعدين يطوف عليهم شي من دروسهم ...


    اثبتت دراساتي ذلك >>>>>>>>> ايه هين كثر منها ,,

    بس هالمعلومة حقيقة يابنات,,

      الوقت/التاريخ الآن هو الأربعاء سبتمبر 19, 2018 2:23 am